列印

譴損(khiàn-sńg)

您是本文第1166個瀏覽者

譴損(khiàn-sńg)

譴損,就是以法術破解災厄,抑是陷害別人。


囡仔時代佇庄跤,聽足濟做譴損的案例,親像起厝,主家克虧塗水師父,親像家己食好,塗水師食䆀,抑是扣減工資,塗水師因此起呸面,偷偷踮厝體中暗藏主人家的頭毛、用具抑是歹物,當等厝起好,主家規傢伙,就會破病、鬧鬼、翁某相拍、爸囝失和、意外傷亡等等,相紲發生,從此弄家散宅,甚至後嗣傳絕(thn̂g--tse̍h)


這號代誌敢真正有?我足懷疑。相信的一直相信,無相信的一直無相信,不而過譴損背後,攏暗藏著教示人為人處事愛存良心、照道理行,若無,你看袂著的人心人性是予你足歹提防的。


毋管古早抑現代,譴損無所不在,像講拜拜啦、貼符仔啦、門安米篩八卦啦、或者是厝內袂平靜,踮中脊頂祀(tshāi)一尊黃飛虎的交趾燒來鎮宅僻邪、祈求平安攏是。


上趣味的是念咒的譴損,刣雞的時愛念:「做雞做鳥無了時,緊刣緊出世,出世做好額人兜的囝兒」;啊若喙齒落去,頂齒擲眠床跤,下齒擲厝頂的時愛念:「雙跤徛齊齊,舊齒換新牙,新牙發甲齊齊齊」等等,攏算譴損。

朋友,這類的代誌你有做過無?若有做過,表示你是行過古早的現代人。

[ 本文章最後由 巫火爐 於 2016-2-22 06:42 PM 編輯 ]

TOP

小時候~回鄉下,好像有聽媽咪念這段咒語:「做雞做鳥無了時,緊刣緊出世,出世做好額人兜的囝兒」

牙齒掉了,頂齒擲眠床跤,下齒擲厝頂的時愛念:「雙跤徛齊齊,舊齒換新牙,新牙發甲齊齊齊」等等,攏算譴損。

好像還有鈕扣被拔掉的譴損?

TOP

回覆 2樓 恆愛台 的文章

鈕扣被拔掉的譴損?

我毋捌聽過!

TOP

回覆 3樓 巫火爐 的文章

內容大約是某某神明到保庇,啥人把XX的鈕扣拔掉,伊的爛腳瘡.....

TOP

回覆 4樓 恆愛台 的文章

讚啦!

台語,通常押韻,這句無。

鈕仔的譴損,確實趣味!!!

TOP

回覆 5樓 巫火爐 的文章

我想起來了~~一面縫鈕扣,一面譴損的內容。

【針車公、針車嬸~誰郎嘎XX挽鈕仔,伊的爛腳窗!】

TOP

回覆 1樓 巫火爐 的文章

以前參加親友的喪禮
家人都會拿一個塑膠袋
當棺木離開之時
將塑膠袋從順風處把它放手飛掉
這個習俗就叫khiàn-sńg

今天承蒙巫先生,終於知道這個詞的漢字怎麼寫了
謝謝您

TOP

回覆 7樓 昆布 的文章

是啊,咱互相探討研究!

台灣人毋知台灣事,是足見笑的代誌。

一个無佮意家己的、看無起家己族群,才會一點一滴放棄家己祖先放落來風俗。

TOP

台語冰店
















TOP

回覆 9樓 恆愛台 的文章

痀崙是啥物?

愛台兄有竹仔痀崙的相片無?

請貼予出來,增廣見聞。

TOP