列印

交合中的露螺

您是本文第2214個瀏覽者

交合中的露螺

透早起來,看著阮阿六仔的屎堆,幾仔對露螺咧交合。為著翕相,我提挾仔,將in一對一對挾來空闊、清氣的所在。

提挟仔挾in,干仔會當挟一隻,另外一隻是靠交合的性器官吊過來,看這種情景,不得不使人感嘆:性,是迷人的,甘願生死相綴,嘛毋予拆分開。

來空闊的所在了,囥落交合甲絚絚絚(ân)的露螺,我趕緊走入厝內提手機。誰知,無三分鐘,八對賰二對猶咧交合,著是中央頂懸第一對和正中央三隻拑鬥陣彼對----看起來毋是三P,是睏去的露螺身軀,予交合的露螺當做戰床咧用。

另外,正手爿頂懸彼對,看起來袂輸國小三四年的的身材,拄分開,夯著袂赴收起來的性器官,生狂生狂,準備溜旋;中央下面彼對,毋甘予吵鬧分手,猶纏綿做伙,等待機會;正爿中央和下面這兩對,做準備分開講再會進前的相攬;倒手爿下面彼對,好親像露水鴛鴦,既然分開著田無溝,水無流;倒手爿頂懸彼對,一隻仆咧,蓋成母的,暗暗佇咧流目屎,另外彼隻公的,倒向向,展(thián)腹肚、胸坎,予看現現,袂輸咧向天抗議:啥人破害阮的好事,請天公伯仔主持公道!

唉,動物攏是自然主義的信徒。露螺集體踮狗屎堆交合,一來是揣食相䢢(tshiāng)野合,順紲傳宗接代;二來為家己和囝孫的食食(tsia̍h-si̍t)思想,上理想的厝,當然嘛是狗屎堆。

認真思想起來,露螺表現出來的天生智慧參親情思考,印證孔子公講的:食、色,性也。

註:阿六仔ㄧㄧ拄出世,予人擲佇阮厝頭前水溝邊的公園內,唉唉叫,可憐甲欲死,阮著提食的予食。食咧,食咧,伊煞對溝彼爿綴來到阮兜,皮毋走。既然是對岸來的,阮著共號名ㄧㄧ阿六仔!

[ 本文章最後由 巫火爐 於 2015-5-28 09:40 AM 編輯 ]
附件: 您所在的用戶組無法下載或查看附件

TOP

TO:愛台兄

SOS:是按怎貼起去煞倒反,敢有法度180轉踅?麻煩一下!

TOP

這樣嗎?



TOP

回覆 2樓 巫火爐 的文章

您在手機內就須先反轉為正確角度,然後上傳!

請您先搜尋圖片檔內的功能鍵,找到橋角度的,就可以360度立即翻轉!

TOP

可能是上傳後才翻轉的,我也遇過。
原因不明,不知道是否歸類於靈異現象?

TOP



TOP

回覆 大車兄

大車兄講得好,是上傳後才翻轉的。

TOP

露螺是產卵後才孵化的嗎?
田螺應該是胎生的,我喜歡吃炒田螺,
但是常吃到滿嘴比火柴頭還小的小田螺。
在媽媽肚子裡的小田螺已經有硬殼。

TOP

田螺-露螺

田螺卵胎生

露螺卵生,每次150-300粒卵,每年生四改,足gau5生湠,食的人濟的話者,飼露螺穩好額。

露螺卵和蟮蟲仔(siān-âng-á)差不多平大。

TOP

露螺卵我吃過,在旗山的土雞城,一整沱也不知道原來長怎麼樣?
"蟮蟲仔"是壁虎?壁虎卵?我看過壁虎卵,形狀像縮小版雞蛋,差不多綠豆大。

TOP