列印

露螺的聯想

您是本文第2332個瀏覽者

露螺的聯想

雨一落,阮兜埕尾、花跤、壁牆、籬笆邊,露螺滿滿是,我毋知欲按怎才好?

我哪會按呢生,連露螺著毋知欲按怎處理,往(íng)早囡仔時代,阮這沿仔的人,釣、下、掠四跤仔,逐个人攏嘛蓋gâu,處理四跤仔嘛是蓋gâu。

我會記得的,釣牽金線仔我印象上清楚,攏佇透中晝食飯飽,簡單的魚釣、四跤袋仔捎咧著出門,行無三跤步著是阮厝頭前的圳溝,開始釣。釣差不多兩三點鐘仔,著手痠人忝矣,因為四跤袋仔裏的四跤仔,濟甲我歹一面行一面釣,只好轉去。

到厝,刣四跤仔嘛是我的囡仔頭路,阮母仔欲幫我煮著足感恩矣。我手提利利的細支刀,將活跳跳的四跤仔,腹肚liô予開,腹內扲扲出來,擲予雞仔食。多數的四跤仔,心肺肝腸仔胃予人扲了了矣,猶足gâu跳、足gâu-lio̍k呢。

我有經過這種生活經驗的人,佇啥物時陣變甲毋敢殺生,冷血的露螺毋敢大力蹔予死、擲予破,連平時仔䢢(tshiāng)著任何逃生、喝救命的小動物,嘛攏絕對助in一臂之力,救in一命,我哪會有這號轉變?啥物時陣轉變的?

斟酌思考,想起初教冊無偌久,接受環保生態的教育,教人袂使徛人角度看這个世界,任何食物鍊中的一種生物絕滅,攏有可能帶來生態的危機,所以每一種生物都愛保育保護,毒蛇相款,露螺嘛無例外。

其次,教冊的時,講話課,囡仔上台講故事,常講著人救動物,動物回報人的因果故事。這和曾子殺人相款,無影無跡,加餾幾遍仔,你想欲否定嘛開袂出喙矣。

仝款的道理,教下一代,一直講好的想法,一直講著的做法,下一代頭殼欲歹去,行為欲歪斜(uai-tshua̍h)去也難。

唉,聯想遠去囉。滿滿是的露螺欲按怎解決?台灣錢淹跤目的時,露螺抾了了,抾去炒露螺,配nam-a啤酒;如今,台灣錢大亢旱矣,熁錢的人愈濟,是按怎滿滿是的露螺顛倒無人抾去換錢呢?

看起來,明年的總統選舉,我一定欲投予予台灣錢閣再淹跤目的人,按呢,阮兜的露螺災、露螺厄,才有機會解決!


[ 本文章最後由 巫火爐 於 2015-5-25 11:05 PM 編輯 ]
附件: 您所在的用戶組無法下載或查看附件

TOP

回覆 1樓 巫火爐 的文章

足久無呷裸螺肉啊~~~嘴摳熊熊類挫!

TOP

招牌炒螺肉



TOP

回覆 2樓 恆愛台 的文章

奇怪,無翁哪會大腹肚?

明明是暗時,愛台兄隨有圖通貼,好-厲害的紅狗蟻!

[ 本文章最後由 巫火爐 於 2015-5-26 06:16 AM 編輯 ]

TOP

台灣小站美食報導~已經是南部權威了!

【螺肉嫂】:
http://www.mesotw.com/bbs/viewthread.php?tid=18795
校長~汝來、汝來、無來見識高雄歐多桑叼煙炒螺肉,無算來過高雄!

TOP

軍營中有三多,蟾蜍.露螺.蚊子多。

TOP

回覆 6樓 大車 的文章

咱的認識無仝。

軍營三濟:威權官濟、白賊人濟參倒算饅頭過日子的嘛濟。

TOP

回覆 6樓 大車 的文章

咱的認識無仝。

軍營三濟:威權官濟、白賊人濟參倒算饅頭過日子的嘛濟。

TOP

回覆 4-5樓樓 巫火爐 的文章

大車兄的三濟,目前火爐我雄雄猶捎無寮仔門?

愛台兄叫我校長,明明無「校」仔,哪猶有「長」通做?

我是巫火爐,叫我「巫的」,可也;叫我火爐仔,也無不可也!

TOP

引用:
原文章由 恆愛台 於 2015-5-25 11:13 PM 發表
【螺肉嫂】:
http://www.mesotw.com/bbs/viewthread.php?tid=18795
校長~汝來、汝來、無來見識高雄歐多桑叼煙炒螺肉,無算來過高雄!
炒螺肉最早的發源地是台中,傳到高雄最早在六合二路,這味很合高雄人口味,當年我還在唸小學,六合二路傳統小吃受到生啤酒文化衝突,炒螺肉,剝蟳仔,一杯又一杯厚重玻璃杯的生啤酒,讓六合二路有了新景觀。開車不喝酒?那個年代沒聽過,也沒幾個人有車的,那是野狼的時代,倒是聽過喝醉酒騎野狼一頭栽進菱角田的,以前我就親眼看過。

TOP