列印

肉體的思考

本主題由 恆愛台 於 2016-10-23 10:01 AM 置頂
您是本文第340個瀏覽者

肉體的思考

肉體的思考2016.11.11


厝邊有人著疥瘡,連外籍看護嘛著,醫生治療咧成個月,無法伊,只好問神。
神講:點茶仔油薰患者,患者下跤囥超過60度的燒水,而且燒水愛加溫,袂使予冷去。
乖乖,疥蟲毋敢閣作怪。(這是2016.12月發生的代誌)
2016.12.17


有兩个生骨刺、生佇腰脊骨第4-5骨節的人鬥陣。
甲講:我生骨刺,醫生講一定愛開刀。我驚,走去搝單管。本成痠、抽、疼,跤麻,愈來愈袂痠、抽、疼,跤麻,後來竟然好離離,事過10外年,毋捌閣夯起來。
乙咧,講:我試過,無效啦!我舊年開刀,這陣骨刺又閣生出來,拍算明仔載去開刀。
平平生骨刺,平平搝單管,試按怎有人有效,有人無效?客觀的比較、對照了後,信心是足重要的因素。

歷史故事中,出現袂少罵死人的案例。
人體中、空氣中,充滿氮,無路用,嘛無妨礙,毋閣極度受氣的時,肉體會分泌激素,予氮合成變一氧化氮,加上肉體充滿正電參負電,一定量的一氧化氮滿上著火。
所以予人罵死的人,七孔衝煙,解剖一看,內臟竟然有臭火焦兼著火痕跡。

有人一世人罕得感冒、破病;有人揣著家己,上卌(siap)以後,開始對破病雞仔改頭換面,變毋捌破病、勇甲若牛的人。

肉體,就是一个宇宙,永遠予咱講袂完、學袂盡。我想,就將「台語詞」這个標題,改換做講袂完、學袂盡「肉體的思考」好矣。

人啊,你愛了解你家己!袂變的,你的肉體;千變萬化的,你的頭殼。若對家己的肉體無知,欲哪有可能了解你家己頭殼中的思維呢。


講起我的肉體,我就想著鐵獅玉玲瓏彼句台詞:話若講透枝,目屎就掰(pué)袂離!





[ 本文章最後由 巫火爐 於 2016-12-17 05:18 AM 編輯 ]

TOP